CIGARETTE SMOKING IS DANGEROUS TO YOUR HEALTH : Ano ang Sigarilyo?

          Alam nating lahat na walang maidudulot na mabuti ang paninigarilyo ngunit mapapansing marami pa rin ang naeengganyong gumamit nito, at ngayon nga makikita natin sa bawat pakete ng sigarilyo ay mayroong ng mga larawan na kung saan ipinapikita ang mga sakit na maaari nitong maidulot.

          Isa ang sigarilyo sa tinatawag na Gateway Drugs. Maaring ito ang maging dahilan upang pasukin ng isang tao ang paggamit ng mapanganib na droga. Ang sigarilyo ay naglalaman ng 4000 kemikal at 43 doon ang ay kilala bilang dahilan ng pagkakaroon ng cancer at 400 na toxins. Ilan sa kemikal ay ang nicotine, tar, carbon monoxide at iba pa.

           May 505,600 kabataan at 15,570,000 na mga matatandang Pilipino ang naninigarilyo pa rin. May mga menor de edad na gumagamit nito kahit na may batas na ipinatupad na bawal magbenta ng sigarilyo sa mga batang wala pa sa wastong gulang. 200 na tao rin kada araw o 71,850 kada taon ang namamatay dahil sa sakit na konektado sa paninigarilyo. Ayon sa WHO (World Health Organization) 5 milyong tao ang nabibiktima ng iba't-ibang sakit taun-taon dahil sa paninigarilyo. 

           Hindi lamang ang taong gumagamit ng yosi ang maaaring magkaroon ng sakit kundi pati na rin ang mga taong nakapaligid dito. Tinatawag itong second hand smoke kung saan ang usok ng sigarilyo ay nalalanghap ng tao. Sa paraang ito ay maaaring magkaroon ng mas malalang sakit ang isang taong nakalanghap ng usok mula sa isa pang taong naninigarilyo, tinatawag silang second hand smoker.

#SayNoToYosi!

By: Judy Ann Santos